منتديات غرامي غير - Forums Grammy
السلام عليكم ورحمة الله وبركاتة

آلاخ/ـت : الزآئر آلكريمـ/ـة

اهلا وسهلا بك في منتديات غرامي غير

سجل في المنتدى لمشاهدة جديد الافلام والمسلسلات والبرامج والالعاب وصور - وغيرها

يمكنك التسجيل - مـن هـنـــا

تحيات : ادارهـ منتديات غرامي


منتديات غرامي, توبيكات , برامج , صور , العاب , الاخبار العالمية, مواضيع جديده , افلام , مسلسلات , تطوير المواقع , دليل , قصائد خواطر , قصص روايات , العاب فلاشية , صور حصرية , منتديات شبابية , كورة سيارات , مواضيع انترنت جديدة , تطوير المواقع , كلمات اغاني
 
الرئيسيةمنتديات عربيةس .و .جبحـثقائمة الاعضاءالمجموعاتالتسجيلدخول
منتيات عامة
منتديات آدبية
منتديات التقنيه
منتديات رياضية
افلام - مسلسلات
منتديات العاب
توبيك - برامج - صور
منتديات نسائية
المواقع والمنتديات
المواضيع الأخيرة
سحابة الكلمات الدلالية
أفلام التايتنك بالصور اخبار بروكسي عربي هيفاء الصور بنات يمني غرامي برنامج حلوة اسماء كيفية وهبي وصفات أجمل عارية تحميل حلوه التسجيل المنتدى حلويات فضائح ستار
احصائيات
هذا المنتدى يتوفر على 2489 عُضو.
آخر عُضو مُسجل هو صيانه زانوسى فمرحباً به.

أعضاؤنا قدموا 2875 مساهمة في هذا المنتدى في 1751 موضوع
ترتيب - alexa.com
Alexa Certified Site Stats for http://ddsa.ahlamontada.net
Share/Bookmark

شاطر | 
 

 دورة اشهار المواقع seo لتهيئة موقعك بمحركات البحث - تهيئة المواقع والمنتديات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد
نجـم آلمنتـدى
نجـم آلمنتـدى


الـجـنــس : ذكر
رقـم الـعـضــويـة : 2
الانـتســاب : 24/10/2008
المشاركات : 340
النــقـاط : 222
الـعـمــر : 27
آلـبلــد : اليمن

مُساهمةموضوع: دورة اشهار المواقع seo لتهيئة موقعك بمحركات البحث - تهيئة المواقع والمنتديات   5/17/2010, 12:40

بسم الله الرحمن الرحيم

السلام عليكم ورحمة الله وبركاته .. احبائي اعضائي

اليوم بمشيئة الله تعالي هقدملكم موضوع من اضخم الموضوعات عن تهيئة موقعك و اشهاره عبر محركات البحث باذن الله تعالي وجلب الاف الزوار

قبل البداية احب اقول ان نتيجة الشغل اللي هطبقة في الموضوع ده مش هتظهر قبل شهر علي الاقل .. يعني تقدر تحكم علي النتيجة بعد شهر من دلوقتي لو كنت مطبق كل حاجة صح فمتتخيلش ابدا ان الزوار هينزلوا عليك زي الرز من يوم وليله .. وتقدر تتابع تريبك في اليكسا و عدد الصفحات اللي ارشفتها جووجل وتقدر تحدد انت بتتقدم ولا زي مانت

ومعلش هتلاقوني برغي كتير لاني شارح بالتفصيل الممل لان الشرح ده موجه للمبتدئين اكتر .. ده غير اني بادئ من الصفر يعني للي هما لسه عاملين موقع جديد طازة واي كلام يسبقة علامة "-" ده بتبقي الاسئلة اللي انا بتوقعها واللي ممكن تيجي في بالكم اثناء الشرح ..

وده فهرس الموضوع باذن الله ..


1 ) اسرار تسجيل موقعك في جووجل ومحركات البحث الاخري في اقل من 24 ساعة

2 ) عمل السايت ماب لموقعك

3 ) انشاء ملف الروبتس (robots.txt).. وماهي عناكب البحث ؟؟

4 ) نبذه عن عن نظام عمل اليكسا وكيف يحسب ترتيب المواقع

5 ) كيفية عمل تولبار بأسم موقعك في اليكسا وتقديمه الي زوارك

6 )نبذه عن فكرة البيج رانك لجووجل و نظام عملها كيفية رفع هذا البيج رانك

7 ) اهمية عنوان الموقع و وصف الموقع والكلمات المفتاحية

8 ) بعض العمليات المهمة لاصحاب المنتديات

9 ) نصائح عامة مهمة جدا طبقها

10 ) اكثر من 3 الاف دليل موقع لاضافة موقعك بهم مع مثال لاضافة موقعك بواحد منهم


1 ) اسرار تسجيل موقعك في جووجل في اقل من 24 ساعة


[center]طبعا اول شئ تفكر فيه وانت بتصمم موقعك هو الزوار .. ازاي اقدر اجيب الزوار .. ممكن تبدي تفكر في الاعلانات المدفوعة .. ممكن ليه لأ

ممكن تبتدي تشهره لاصحابك وقرايبك ... ممكن طبعا

بس مش دول كل حاجة .. حوار الاعلانات المدفوعة رغم انه مكلف لكن نتايجة برضه مش قد كده .. بمعني ان الزوار اللي بيزوروا موقعك نصهم تقريبا زوار غير مستهدفين


ونفس الحكاية لما تنشرة بين اصحابك وقرايبك .. ناس كتير متعرفش من الاصل ايه المنتدي ده وناس تانية تري المنتدي مجرد لعبه وتالتين يعملوا مشاركات مجامة عشانك .. هتلاقي منهم شغل بس برضه مش المطلوب

- امال ايه بقي يا عم الحج قارفنا ليه بكلامك ده ..


بص يا باشا دلوقتي طبعا مين مبيخشش علي جووجل كل يوم ..
وكام عمليه بحث بتعملها ؟؟


فعليك ان تتأكد افضل زوارك هم من محركات الحث .. لانهم الزوار المستهدفين يعني لما يجي العضو بنفسه يتعب نفسه ويعمل بحث في جووجل ويلاقي موقعك ويخش عليه و يلاقي الحاجة اللي بيدور عليها واللي عملها البحث .. اظنه افضل من احنا نرغمة علي الدخول بالبانرات والاعلانات الدعائية وغيره .. ده غير ان العضو ده هيجيلك تاني بعد ما لقي الحاجة اللي عايزها في الاول


فبالتالي هدفك الاول لتجميع الزوار هو محركات البحث .. خلاص اتفقنا ؟؟


- ياعم اتفقنا ده انت رغاي اوي خلصنا بقي


طيب طيب حيلك عليا هنخش اهو في الموضوع



اي واحد صاحب موقع جديد واقتنع بفكره محركات البحث هيبتدي او حاجة يفكر ازاي يحط موقعه علي جووجل ويتمني انه يتحط باسرع سرعة


- برضه هيقرفنا تاني برغيه ده


انا هقولك ازاي تحطه في اقل من 24 ساعة .. وانت و مجهودك برضه ..

قبل اي حاجة نصيحة مهمة جدا ..

لا تستخدم ابدا رابط اضافة موقعك في جووجل ابدا اللي هو :

www.google.com/addurl.html


طبعا واحد هيسألني ويقولي لييه ؟؟


- اه ليه والنبي يا اونكل


في مرة جربت احط موقعي من هذا الرابط .. لا تتصورا كم انتظرت حتي وجدت موقعي علي جووجل اول مرة .. ياه حوالي 3 او 4 شهور

- يا ساتر ايه ياعم ده

فعلا ده اللي حصل معايا وحصل مع كل الناس وممكن توصل المدة كمان لستة اشهر

- طيب ايه الحل بقي ؟


الحل بسيط جدا .. هل سمعت ولو نبذة بسيطة عن جووجل بيج رانك ؟؟

- اه يعني .. بس ليه ؟؟


بص يا معلم دلوقتي سر وضع موقعك في اقل من 24 ساعة علي جووجل وغيره من محركات البحث الاخري في البيج رانك هذا .. فوضعك لرابط او وصلة لموقعك في اي موقع ذو بيج رانك اعلي من 5 او حتي 4 يجعل موقعك موجود في جووجل في اقل من 24 ساعة قد تزيد قليلا ..


- حيلك حيلك انا مش فاهم منك اي حاجة ..


الحوار بسيط جدا .. الاول نحمل التولبار بتاع جووجل اللي نقدر نعرف بيه البيج رانك لاي موقع
http://toolbar.google.com





وخلي بالك اهم حاجة هيظهرلك صفحة الـ setup للتولبار بعد التحميل وهيكون في خيار اسمه تمكين الـ page rank لازم تضع امامه علامه عشان نقدر نحدد اي بيج رانك لاي موقع

وبعد التحميل التولبار بتاع جووجل هيبقي بالشكل ده








- جميل نزلت التولبار بس انا مجرد بسمع عن البيج رانك ده يعني ايه هو اصلا ؟؟

بص مش لازم تفهم معناه دلوقتي ادام هعرفك كل حاجة بالظبط ان شاء الله .. المهم دلوقتي انك بس تعرف تحدد البيج رانك بتاع اي موقع .. وده سهل خالص


مثلا نفتح موقع زي الفيس بوك

www.facebook.com

ولما نفتح الموقع بص الصورة اللي جاية كده







زي ما شفت البيج رانك الخاص بالفيس بوك هو = 9


يعني البيج رانك موجودة في الحته الخضرا اللي عند الشريط وبمجرد انك تجيب عليها الماوس يعرفك الموقع ده بيج رانك كام ..

( ملاحظة : للحصول علي بيج رانك 9 اشبه بالخيال .. انا مش بهبط من معنوياتك لكن صعب جدا الحصول علي هذا البيج رانك .. )


ملاحظة اخري : هناك طريقة اسهل لمعرفة بيج رانك اي موقع عن طريق الدخول لهذا الموقع

http://www.prchecker.info/check_page_rank.php

وكتابة الموقع اللي عايز تعرف عنه البيج رانك

- جميل برضه .. استفادنا ايه بقي علي كده ؟؟


هعيد تاني واقول بكل هدوء .. دلوقتي انت عرفت تحدد بيج رانك اي موقع .. طيب انت لو جيت دخلت علي موقع البيج رانك بتاعه اعلي من 4 مثلا وجيت حطيت اللينك بتاعك في اي حته في الموقع ده .. كده تبقي انت ضمنت ان شاء الله موقعك يبقي موجود علي صفحات جووجل في اقل من 3 ايام بالكتير


- انت مش قلت 24 ساعة يا عم انت ؟؟


قلت طبعا بس انت وشطارتك


- ازاي يعني ؟؟


يعني دلوقتي اللي حط اللينك بتاعه في موقع البيج رانك بتاعه 6 هيظهر قبل اللي حطه في بيج رانك 5 وهكذا وكلما زادت عدد اللينكات في المواقع المختلفة كلما زادت سرعة وضع جووجل لموقعك علي صفحاتها ده غير ان ليها فوائد كتير تانية هتعرفها ادام ان شاء الله


- جميل دلوقتي انا فهمتك بس ازاي بقي هحط لينك الموقع في اي من المواقع دي ؟؟


الموضوع مش الصعب .. تعالا معايا وهوريك خطوة خطوة ازاي تقدر تحط لينك موقعك في موقع ليه بيج رانك 4 مثلا


- واديني معاك اهو


دلوقتي احسن المواقع اللي تقدر تذييل فيها اسم موقعك والرابط بتاع هي مواقع الـ Tutorials الاجنبية ودي بتبقي مواقع فيها شروحات عن كل حاجة وكل البرامج والجرافيكس .. الخ
طب تعالا بقي نفتح جووجل


www.google.com

ونكتب مثلا php tutorials

هتظهرلك نتائج البحث .. انا اخترت الموقع ده علي سبيل المثال وليس الحصر
http://www.goodphptutorials.com

ودي صورته







ولو شفت البيج رانك بتاعه من جووجل تولبار هتلاقيه 4

طيب دلوقتي تعالا بمنتهي السهولة وخش علي اي درس تلاقيه



[center]


افتح الدرس اتفرج عليه وانزل تحت خالص هتلاقي Add Your Comment مجرد هتكتب اسمك وهنا متكتبش اسمك فعلا .. اكتب اسم موقعك ... مثال : 3arablink
اما بالنسبة للرابط فطبعا هتكتب رابط الموقع بتاعك .. وفي ال comment بتاعك تكتب اي كلمتين حلوين وتحط معاهم برضه لينك موقعك زي كده مثلا


this is wonderful tutorial .. i read it 3 times and get a fantastic results and sure i put a
copy of this lesson on my site here


www.3arablink.com

- بس انا لا قريت الموضوع ولا اعرف بيتكلم عن ايه ؟؟


مانت بقي خليك واد صايع كده عشان يبقي الكلام جميل ... و خليك ذكي متكتبش رابط موقعك بس من غير اي كلام لانهم ممكن يمسحوا الرابط اللي انت حطيته ويعتبروا مشاركتك دي سبام
ودي صورة توضح كل حاجة ومكان المشاركة وتكتب ايه بالظبط تاني






تمام كده يا معلم

- اه تمام


وللعلم ده برضه موقع للـ tutorials وده الموقع اللي انا اضفت فيه موقعي واللي ظهر في 3 ايام علي الرغم من انه بيج رانك 2 فقط
http://netcades.com

ومش هديلك الموقع وبس .. تعالا اوريك برضه بشكل مبسط اضافة موقعك فيه









يارب تكونوا فهمتوا قصدي



ومتسناش برضه دلائل المواقع المنتشرة .. ليها اهمية كبيرة جدا جدا .. حاول تحط موقعك في اكبر قدر من الدلائل


ملاحظة : اذهب الي الدرس الاخير لتحميل روابط لدلائل موقع تضف بهم موقعك


وللعلم ان المواقع الاجنبية دايما ليها الاسبقية في اي شيء .. يعني لو موقعك اجنبي هيظهر اسرع بالتأكيد


دلوقتي متقفش عند كده .. لأ خش علي اكبر قدر من المواقع والدلائل البيج رانك بتاعها اعلي من 4 او حتي اعلي من 3 او انشاء الله 2 واعمل نفس الحركة اللي عملناها بأنك برضه تعمل بحث زي ماعلمنا وتاخد اي موقع غير اللي عملناه .. ومتعملش كل اللينكات بتاعتك في موقع واحد ابدا .. ممكن الموقع ده يكون بيمنع وضع وصلات لمواقع اخري في اي تعليق وبيعتبره سبام .. خليهم في مواقع كتيرة .. فاضافة موقعك في المواقع دي اولا هيخلي الموقع زي ما قلنا ينزل في جووجل بسرعة مش هتعدي ابدا ال 3 ايام باذن الله .. ثانيا ده بيعلي البيج رانك بتاعك انت اصلا والبيج رانك ده حاجة مهمة جدا في تقييم المواقع وزي ما قولتلك هتعرف كل حاجة عنها بالتفصيل في الدروس الجاية ان شاء الله


الحمد لله كده نبقي انتهينا من الدرس الاول حبايبي .. ياريت اي حد عنده اي استفسار بجد ما يتردتش ويحط سؤاله هنا وان شاء الله هرد عليه في اقل وقت

[/center]
[/center]

توبيكات , برامج , صور , العاب , الاخبار العالمية, مواضيع جديده افلام , مسلسلات , تطوير المواقع , دليل , قصائد خواطر , قصص روايات , العاب فلاشية , صور حصرية , منتديات شبابية , كورة سيارات , مواضيع انترنت جديدة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ddsa.ahlamontada.
محمد
نجـم آلمنتـدى
نجـم آلمنتـدى


الـجـنــس : ذكر
رقـم الـعـضــويـة : 2
الانـتســاب : 24/10/2008
المشاركات : 340
النــقـاط : 222
الـعـمــر : 27
آلـبلــد : اليمن

مُساهمةموضوع: رد: دورة اشهار المواقع seo لتهيئة موقعك بمحركات البحث - تهيئة المواقع والمنتديات   5/17/2010, 12:40

الدرس الثاني ..

2
) عمل السايت ماب لموقعك


درس جميل وسهل ومهم جدا لارشفة موقعك و زيادة نتائج البحث لجووجل .. مش هخش المرادي في التفاصيل مش مهمة اوي .. المهم نطبق .. يلا معايا


- ايوة كده ياخي ده انت كنت قارفنا بكلامك ده


اولا ده موقع بيأرشف لك الموقع بس مشكلته ليه عدد اقصي للصفحات اللي ممكن يأرشفها وهو 500 صفحة .. يعني لو عندك موقع تاني او برنامج اخر يأرشف اكتر او عدد لا نهائي استخدمة بدل ده ول معرفتش قوللي وانا اعملك شرح ليه ان شاء الله وبعد كده تكمل بقية الشرح معانا عادي من اول ما نوصل لخطوة رفع ملف السايت ماب


يلا نتوكل علي الله


نخش علي الموقع ده :

www.xml-sitemap.com


وبعدين نكتب اسم الموقع بتاعك وندوس Start








وبعد كده هتظهرلك الصفحة دي وفيها بيأرشف الصفحات اللي عندك .. استني بقي كده دقايق علي حسب عدد صفحات موقعك







بعد ما يخلص الأرشفة بحمد الله هتطعلنا صفحة زي دي ومنها نحمل ملف السايت ماب من الرابط اللي في الصورة ده







واصبح لنا هذا الملف عندنا بعد فك ضغطه






دلوقتي هنرفع الملف ده علي الموقع بتاعنا عن طريق برنامج الاف تي بي
لو مش عندك البرنامج حمله من هنا

حمله من هـــــنـــــا

بعد ما اتحمل واتسطب ( لو قابلتك اي مشاكل في التسطيب قوللي واعملك الشرح ليه حالا ) هنفتح البرنامج عادي ونكتب حساب الاف تي بي بتاعنا








ممكن في الـ Address نكتب اسم الموقع عادي انا نفعت معايا مثال : 3arablink.com
وبعدين نكتب اسم اليوزر بتاع السي بانل والباس بتاع السي بانل برضه وبعد كده ندوس GO


(لاصحاب الاستضافات المجانية الحوار بيختلف جرب تخش باليوزر والباس بتاع لوحة تحكم الموقع سواء كانت بقي لوحة التحكم سي بانل او لوحة تحكم من المستضيف .. لو منفعش يبقي تخش علي لوحة التحكم و تعمل اكونت اف تي بي جديد بيوزر وباسوورد جداد )







دلوقتي الموقع فتح معانا بحمد الله .. مكونات الجهاز بتاعنا ناحية الشمال .. ومكونات الموقع بتاعنا ناحية الليمين


نجيب مكان ملف السايت ماب اللي حفظناه علي جهازنا من ناحية الليمين وندوس عليه ونرفعه للموقع بالضغط علي السهم المتجه نحو ناحية مكونات موقعك وخلي بالك يفضل طبعا انك ترفعه في المجلد الرئيسي للموقع .. يعني داخل فولدر public_html او فولدر www بحيث انك تقدر تفتحه من المتصفح بهذا الشكل

www.xxxx.com/sitemap.xml







وبكده نبقي رفعنا ملف السايت ماب بحمد الله


-ايه خلاص كده ؟؟


لا يا حبيبي لسه ... دلوقتي سيب الاف تي بي زي ما هو كده متقفلوش هنرجعله تاني

دلوقتي نخش علي الرابط ده

https://www.google.com/webmasters/sitemaps

ونكتب اسم موقعنا زي ما في الصورة كده وبعدين نظغط Add Site ( يجب ان يكون لديك حساب او ايميل علي جووجل حتي تستطيع عمل هذه الخطوة ان لم يكن لديك تقدر تعمل واحد من هنا اضغــــط هـــــنا ولو فيه اي مشاكل في عمل الاكونت ده بجد لا تتردد )







بعد ما كتبنا اسم الموقع هيطلعلنا صفحة عاملة كده .. ندوس علي Verify your site






بعد ما دوسنا هيودينا الصفحة دي .. وفيها هنختار Upload an HTML file في اول اختيار .. كده





نركز بقي يا معلمين ... دلوقتي جووجل عشان تضمن ان انت صاحب الموقع لازم تعمل حاجة تتأكد بيها


- ايه بقي الحاجة دي ؟؟


زي ما مكتوب في الصورة اللي فاتت .. تعالا بره علي الديسك توب كده مثلا واعمل ملف تكست جديد Create new text file وبعد كده نسمية ونغيير امتداده بالاسم اللي طلعولاك في الصفحة


- لأ وضحلي والنبي اكتر ..


دلوتقي هتلاقي في الصفحة اللي انت فيها مكتوب

اهو تحت الجملة دي هتلاقي اسم ملف طويل ورخم بامتداد HTML خده كوبي واعمل ملف تكست جديد وسميه بالاسم الجديد مع تغيير الامتداد زي ما قلنا وخلي بالك مش هيطلعلك نفس اسم الملف اللي موجود في الصورة اللي فاتت طبعا لكن كل واحد بيخش علي الصفحة دي هيلاقي رقم غير التاني
Create the HTML verification file specified below and upload it


خلاص كده بقي عندنا ملف اللي جووجل طلبته مننا بنفس الاسم والامتداد اللي قالتهولنا .. ولازم شكل الايكونة بتاعته تتحول لملف انترنت وبالنسبالي انا هيبقي الملف في الاخر بالشكل ده







( اللي معرفش يعمل الخطوة دي او اللي معرفش يغيير الامتداد يقوللي وانا اشرحلة تانية واقوله ازاي تظهر الامتداد لاي ملف لو كان مخفي )


خلي بالك منقفلش صفحة المتصفح دي دلوقتي خالص هنرجعلها حالا


دلوقتي كده خلاص خلصنا عمل الملف هنرجع للاف تي بي نرفعه زي السايت ماب بالظبط و هيترفع جنب السايت ماب في نفس الفولدر وهو الفولدر الرئيسي





بحيث انك تقدر تفتحه من المتصفح كده

www.xxxx.com/google3371929fa3b7bd816.html

بمعني اصح هنرفعه برضه في فولدر public_html او فولدر www يعني المكان الرئيسي للموقع

بعد ما رفعنا الملف بحمد الله نرجع تاني للمتصفح و دوس علي Verify







بعد ما ضغطنا علي verify هنروح علي صفحة كده ومكتوب فيها اسم الموقع اللي انت ضيفته .. ادامه هتلاقي رابط Add تحت خانة الـ Site map اضغط عليه





بعد ما ضغطنا هنروح لصفحة هنختار في الاول Add general web sitemap

وبعد كده هنكتب في خانة رقم 3 اسم ملف السايت ماب اللي عملناه هتلاقيه هو كاتب موقعك تعالا عند الخانة اللي هتكتب فيها واكتب

بس
sitemap.xml







- اشمعني هنكتب كده ؟؟


نسيت مش احنا رفعناه علي فولدر الموقع الرئيسي

يعني في النهاية هتبقي شكلها كده وفي الاخر ندوس علي Add general web sitemap





بعد الضغط هتظهر الصورة دي





وبيقولك ان خلاص انت كده تمام واستني بقي يوم كده يكون اتعمله Verified يعني جووجل تكون وفقت عليه وتبتدي نتايج البحث تزيد ان شاء الله


الحمد لله تم الانتهاء من الدرس الثاني علي خير .. وياريت يا جماعة اللي عنده ولو سؤال عبيط يقول وانا حاضر بأذن الله

توبيكات , برامج , صور , العاب , الاخبار العالمية, مواضيع جديده افلام , مسلسلات , تطوير المواقع , دليل , قصائد خواطر , قصص روايات , العاب فلاشية , صور حصرية , منتديات شبابية , كورة سيارات , مواضيع انترنت جديدة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ddsa.ahlamontada.
 
دورة اشهار المواقع seo لتهيئة موقعك بمحركات البحث - تهيئة المواقع والمنتديات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات غرامي غير - Forums Grammy :: تطوير المواقع والمنتديات :: الاشهار والارشفه و خدمات RSS - منتديات-
انتقل الى:  
اختصار المنتديات - اختصار الانترنت - اختصارات منتدى

مواضيع عامة  , اخبارية  , وجهـا ً لوجـه  , التعارف والترحيب  , اسلاميات , خواطر, قصائد , اشعار , شعر  , روايات, قصص , العالم الرقمي  , برامج كاملة  ,الفوتوشوب - تصميم , صدى الملاعب  , صور سيارات  , افلام عربية  , افلام اجنبية  , مسلسلات , تحميل اغاني  , العاب, صور  , العاب فلاشية  , تحميل العاب  , توبيكات ملونه  , صور للماسنجر  , الصور , صور  , مسجات , مطبخ حواء  , عالم حواء  , بيت حواء  , تطوير المنتديات  , تطوير المواقع  , دليل مواقع  , الاشهار , منتديات, أدبية , افلام عربية , feed , atom ,  خريطة المنتديات , خريطة الموقع ,  المنتديات العامة , المنتديات التقنيه , منتديات شبابية , منتديات العاب

اعلانات نصية - لتبادل الاعلانات النصية - اعلانات